Maar, indien die nodige disipline nie gehandhaaf word nie, val ‘n mens baie maklik in ‘n skuldweb vas – en is dit baie moeilik om weer daar uit te kom !
Probeer eers om ‘n lys van al die huishoudelike uitgawes saam te stel, en maak dan ‘n lys van die paaiemente op kredietooreenkomste wat nog terugbetaal moet word.
‘n Begroting is nie effektief as dit van maand tot maand opgestel word nie, maar moet ‘n paar maande vooruit opgestel word. Onthou ook om voorsiening te maak vir onvoorsiene uitgawes soos herstelwerk aan die motor of huis.
Die volgende stap is dan om die selfbeheersing aan te leer en om by die begroting te hou, maak nie saak wat nie. Vir sommige mense werk die “koevertsisteem” beter as om disipline te kweek. Dit werk so: Die begrote bedrag word in ‘n koevert gebêre en gemerk – byvoorbeeld “brandstofgeld” – en slegs wanneer jy daardie spesifieke uitgawe aangaan, word geld uit daardie koevert gehaal. Bewaar tog net die koevert in ‘n kluis sodat dit nie voete kry nie!
In enige begroting moet daar ook ‘n persentasie begroot word om maandeliks te spaar,. Dit kan op sy beurt aangewend word vir onvoorsiene uitgawes, en skep ruimte vir finansiële vryheid. Later kan aankope kontant gedoen word in plaas van krediet (wat weer ‘n klomp rent en terugbetalings-paaiemente spaar!)
Dit moet darem gesê word dat die skuldweb waarin mense verstrengel raak, nie altyd slegs aan die verbruikers se toedoen te wyte is nie. Oneerlike of onverantwoordelike kredietverskaffing, waardeur oningeligte verbruikers in ‘n skuldwip gevang word, dra ‘n groot mate daartoe by.
Dit word deur die Nasionale Krediet Wet omskryf as roekelose krediet, en sedert 1 Junie 2007 kan daar streng teen die kredietgewers wat hulleself aan reokelose krediet skuldig maak, opgetree word.
Die suksesvolle bestuur van jou krediet en begroting is ‘n deurlopende proses en moet gereelde nagegaan en hersien word om te verseker dat daar nie rekeninge oorgeslaan word, of onnodige rente en agterstalige rente betaal moet word nie. Indien ‘n verbruiker voel dat hy/sy die slagoffer van roekelose krdiet was, of agterkom dat sy/haar begroting nie klop nie kan hy aansoek doen by ‘n skuldberader om hom van professionele advise, en indien nodig skuldberading te voorsien.
Vir meer inligting en gratis advise skakel -
Von Hamman by 012 252 7615 of stuur 'n e-pos na ids.debt@gmail.com
No comments:
Post a Comment